၂၀၂၅ခုနှစ်၊ နိုဝင်ဘာလ (၃)ရက်နေ့ ညနေ ၄း၃ နာရီမှ နိုဝင်ဘာလ (၄)ရက်နေ့ နေ့လည် ၁း၃၂ နာရီအတွင်း မွေးဖွားမည့် ကလေးများသည် ရေဝတီနက္ခတ်နှင့် ယှဉ်၍ မွေးဖွားမည်ဖြစ်သည်။ 

၎င်းကလေးများသည် ရေဝတီနက္ခတ်၌ ဖွားသောသူသည် အင်္ဂါခြေလက်ပြည့်ဖြိုးမည်။ စင်ကြယ်မည်။ ကျွမ်းကျင်မည်။ သူတပါးအကျိုးသည်ပိုးမည်။ ရဲရင့်မည်။ တွေးခေါ်မြော်မြင်တတ်သည်။ စပါးဆန်ရေ ရွှေငွေ၊ ဘဏ္ဍာ ဥစ္စာစီးပွားတို့ဖြင့် တင့်တင့်တယ်တယ်ရှိမည်။ ခြေဆံလက်ဆံ သန်မာထွားကြိုင်း ဖွံ့ဖြိုးသည်။ ကျက်သရေရှိသော  အဆင်းနှင့်ပြည့်စုံသည်။ သူရဲကောင်းတစ်ဦးပမာပင် ဖြစ်သည်။ ရိုးသားသည်။ ချမ်းသာကြွယ်ဝမည်။ အားလုံးသော အင်္ဂါရပ်များနှင့် ပြည့်စုံညီညွှတ်ခြင်း၊ ကိုယ်စိတ်သန့်ရှင်းစင်ကြယ်ခြင်း၊ လုပ်ငန်းခွင်အမြင်ကျယ်ခြင်း၊ သူတော်ကောင်းစိတ်ထားရှိခြင်း၊ ရဲစွမ်းသတ္တိရှိခြင်း၊ ဉာဏ်ပညာရှိခြင်း၊ ဥစ္စာပစ္စည်းကြွယ်ဝချမ်းသာခြင်း၊ ဝတ်စားတန်ဆာများ ပြည့်စုံတတ်ပါသည်။

၂၀၂၅ခုနှစ်၊ နိုဝင်ဘာလ (၄)ရက်နေ့ နေ့လည် ၁း၃၃ နာရီမှ နိုဝင်ဘာလ (၅)ရက်နေ့ နံနက် ၁၀း၄၉ နာရီအတွင်း မွေးဖွားမည့် ကလေးများသည် အဿဝဏီနက္ခတ်နှင့် ယှဉ်၍ မွေးဖွားမည်ဖြစ်သည်။ 

၎င်းကလေးများသည် အဿဝဏီနက္ခတ်၌ ဖွားသောသူသည် ရုပ်ကောင်းတတ်သည်။ အရှိန်အဝါကြီးတတ်သည်။ ကျွမ်းကျင်လိမ္မာတတ်သည်။ ကိုယ်လုံးတုတ်မည်။ ဓနရှင်အကြီးစားဖြစ်မည်။ လူချစ်လူခင်ပေါမည်။ အနုပညာ၊ ပြဇာတ်၊ ကဇာတ်၊ ရုပ်ရှင်များကို ချစ်မြတ်နိုးလိမ့်မည်။ ဆန်းကြယ်လှပသော အဝတ်အစား၊ လက်ဝတ်ရတနာများကို နှစ်သက်မည်။ ဆွဲဆောင်မှုရှိသည်။ လှပချောမော၍ ချစ်စရာကောင်းမည်။ ဉာဏ်ကောင်း၍ ကျွမ်းကျင်လိမ္မာမည်။ ရုပ်ရည်လှပခြင်း၊ ကောင်းသောကံကြမ္မာရှိခြင်း၊ ကိစ္စ အ၀၀တွင် ကြိုတင်၍ အမြင်ရှိခြင်း၊ ကိုယ်ခန္ဓာ၀၀တုတ်တုတ်ရှိခြင်း၊ ဥစ္စာပစ္စည်းချမ်းသာခြင်း၊ မိမိတာဝန်ကျရာလုပ်ငန်းများတွင် ကျေပွန်စွာ ဆောင်ရွက်နိုင်စွမ်းရှိခြင်း၊ လူအများစု၏ ချစ်ခင်မှုကို ခံယူရခြင်း ဖြစ်တတ်ပါသည်။
.
ဆရာစိုးနိုင် (မြန်မာနိုင်ငံ ဝေဒသုတေသနအဖွဲ့)
.