၂၀၂၅ခုနှစ်၊ ဧပြီလ(၁)ရက်နေ့  နေ့လည် ၁၂း၁၂ နာရီမှ (၂)ရက်နေ့ နံနက် ၉း၅၅ နာရီ အတွင်းမွေးဖွားမည့် ကလေးများသည် ကြတ္တိကာနက္ခတ်နှင့် ယှဉ်၍ မွေးဖွားမည်ဖြစ်သည်။

၎င်းကလေးများသည် ကြတ္တိကာနက္ခတ်၌ ဖွားသောသူသည် အထီးကျန်ဖြစ်တတ်သည်။ ယုတ်မာသောအမှုကိုပြုမည်။ အမြဲဆာလောင်တတ်သည်။ (မကြာခဏစားတတ်သည်) မပြုသင့်သောအမှုကို အမြဲပြုတတ်သည်။ အငမ်းမရစား သောက်တတ်သည်။ သူတစ်ပါးသားမယားတို့ကို ကျူးလွန်ဖောက်ပြားတတ်သည်။ သည်းခံနိုင်သော စိတ်ထားမရှိပါ။ မျက်နှာကြီးသူဖြစ်ပါသည်။ နှမြောတွန့်တိုတတ်ခြင်း၊ အကုသိုလ်ပြုခြင်း၊ ဆာလောင်မွတ်သိပ်မှု၏ နှိပ်စက်ခံရခြင်း၊ ဒုက္ခရင်ဆိုင်ရခြင်း မပြုအပ်သည်ကို အမြဲပြုလုပ်လေ့ ရှိတတ်ပါသည်။

၂၀၂၅ခုနှစ်၊ ဧပြီလ(၂)ရက်နေ့  နံနက် ၉း၅၆ နာရီ မှ (၃)ရက်နေ့  နံနက် ၀၈း၀၈ နာရီအတွင်း မွေးဖွားမည့် ကလေးများသည် ရောဟဏီနက္ခတ်နှင့် ယှဉ်၍ မွေးဖွားမည်ဖြစ်သည်။

၎င်းကလေးများသည် ရောဟဏီနက္ခတ်၌ ဖွားသောသူသည် ဓနရှင်ဖြစ်သည်။ ကျေးဇူးသိမည်။ ဉာဏ်လျင်မည်။ မင်းမြတ်နိုးခြင်း ခံရမည်။ ချစ်ဖွယ်စကားဆိုတတ်သည်။ မှန်ရာကို ဆိုတတ်သည်။ ရုပ်ကောင်းသည်။ သစ္စာရှိသည်။ ရိုးသားဖြောင့်မတ်သည်။ သန့်ရှင်းသည်။ ဖြောင့်ဖျ ပြောဆိုနိုင်စွမ်းရှိသည်။ ဖြေးဖြေးမှန်မှန်စိတ်ထားနှင့် နှလုံးသားရှိသည်။ ရုပ်ဆင်းရူပကာ အလွန်တရာ ကြည့်၍ ကောင်းသည်။ ဥစ္စာဓနကြွယ်ဝချမ်းသာခြင်း၊ သူတပါး၏ကျေးဇူးကို သိတတ်ခြင်း၊ သည်းခံနိုင်သော စိတ်စွမ်းအင်ရှိခြင်း၊ မင်းအစိုးရ၏ ဂုဏ်ပြုမှုကိုခံရခြင်း၊ ချစ်စဖွယ် စကားကို ပြောဆိုတတ်ခြင်း၊ မှန်ကန်သော သစ္စာစကားကိုသာ ပြောလေ့ရှိခြင်းနှင့် ရုပ်ရည်ချောမွေ့သူ ဖြစ်တတ်ပါသည်။
.
ဆရာစိုးနိုင် (မြန်မာနိုင်ငံ ဝေဒသုတေသနအဖွဲ့)
.